435 ny isan’ny tranga vaovao androany ka ny 401 dia teto andrenivohitra avokoa, 20 tao Alaotra Mangoro, 5 tao Atsimo Andrefana, 3 Analanjirofo, 3 Fianarantsoa, 2 Faritra Anosy ary 1 tao Ifanadiana. Miisa 974 ny fitiliana nahitana ireo voa ireo.
361 indray ny tranga vaovao rehetra voatily androany, ka ny 341 dia teto Antananarivo avokoa. 16 tao Antsirabe, 1 tany Andapa ary ny ambiny tsy voafaritra. Fitiliana miisa 816 moa no nahitana ireo voa ireo.
Miisa 209 be izao indray ny olona vaovao voatily ho mitondra ny tsimokaretina coronavirus androany, ka teto Antananarivo avokoa izy ireo. Izany hoe miisa 3782 ireo voa hatramin’izay.
Maro ireo voan’ny tsimokaretina coronavirus no sitrany androany. Nahatratra 574 ny isan’izy ireo.
222 indray no voatily androany ho mitondra ny tsimokaretina coronavirus, ka ny 210 tamin’ireo dia teto Antananarivo avokoa, 3 Vakinankaratra, ary nisy koa ny tany Toamasina, Itasy, NosyBe ary Mahajanga.
Raha 309 ny tranga vaovao, araka ny fanambarana ofisialy androany alatsinainy dia ny 303 no teto amin’ny Faritra Analamanga, 2 tany Atsinanana, 2 menabe ary 2 tany Itasy.
Miaramila miisa hatrany amin’ny 4 000 no hanara-maso ny fihibohana hatao eto amin’ny Faritra Analamanga manomboka anio. Ny 500 amin’izy ireo no hisahana ny fampanarahana ny fepetra tokony hataon’ny olona. Mbola misy koa anefa ny miaramila miisa 3 000, izay hatao fiandry ka efa vonona amin’izay ilana azy rehetra.
Tsy ny fanadiovana intsony no sazy miandry an’ireo olona izay tratra, ka tsy manao arovava, fa mety hiafara amin’ny fampidirana “violon” no hatao raha tsorina ny resaka, hoy ny sekreteram-panjakana miadidy ny zandarimaria, ny jeneraly Richard Ravalomanana.
Raikitra fa ho tanterahina ao amin’ny Doany Miarinarivo efadahy Manankasina, ao amin’ny Fokontany Tsararano Ambony, Distrikan’i Mahajanga I, anio 6 jolay ny Fitampoha na ny fanompoam-be izay fomba amampanaon’ny foko Sakalava Boeny.
Araka ny fanazavan’ny ministry ny fitaterana, dia miato manomboka anio ny sehatry ny fitateram-bahoaka “Urbain” sy “Suburbain”, mandritry ny tapa-bolana. Ny fiarakaretsaka irery ihany no afaka miasa hatramin’ny 2 ora folakandro raha mitatitra olona.