Mirongatra ny tarehimarika raha ny tatitra momba ny isan’ny olona voan’ny coronavirus androany, satria mitontaly 484 izany, ka ny 433 dia teto amin’ny Faritra Analamanga avokoa, 20 faritra Anosy, 8 Analanjirofo, 7 Fianarantsoa, 5 Atsinanana, 4 Maevatanana, 3 Arivonimamo, 2 Bongolava, 1 Toliary ary 1 hafa tsy voafaritra.
Nodimandry ny marainan’ny 14 jolay 2020, teo amin’ny faha-80 taonany, teny amin’ny hopitaly Ambohibao, ny Pastora Rabenorolahy Benjamin.
Efa ela no nandinihana ny mety ho fipetraky ny fanatanterahana ny tompondakan’i Afrika eo amin’ny taranja baolina kitra andiany manaraka tao anatin’izao hamehana ara-pahasalamana vokatry ny Covid-19 izao ho an’ny kaonfederasionina afrikanina na ny CAF.
Tsy mbola mitsaha-mitombo ny isan’ny mitondra ny tsimokaretina eto Antananarivo.
Tinapaka nandritra ny Filan-kevitry ny Minisitra, fa ny fikarakarana taratasy momba ny famindrana ny fananan-tany avy amin’ny fandovana dia tsy handoavam-bola hatramin’ny 31 desambra 2020, ary tsy hisy ny fampiharana sazy amin’ny fikarakarana fanoratana na famindrana fananan-tany hatramin’io daty io.
Mbola vao ny 35 % – n’ny mponina eto amintsika no misitraka rano fisoro madio raha betsaka. Ho an’ny mponina an’Antananarivo renivohitra manokana dia mbola maro no tsy manana izany ao an-tokantranony, fa milahatra rano eny amin’ny paompy.
Loholona na senatera miisa 14 sy Solombavambahoaka miisa 11 no voalaza fa mitondra ny tsimokaretina coronavirus.
2 indray no namoy aina noho ny tsimokaretina coronavirus, araka ny tatitra ofisialy androany. Ny 1 tany Boeny ary ny 1 teto Antananarivo. Mahatratra 37 izany ny isa ofisialin’ny olona lavon’ity aretina ity teto amintsika.
Nodimandry teo amin’ny faha-58 taonany ny Filohan’ny Fiombonan’ny Fiangonana Kristiana eto Madagasikara (FFKM) amperinasa, ny Pastora Dr. Rakotonirina David.
Tahaka ny tato anatin’ny andro vitsivitsy dia tsy mbola midina loatra ny isan’ireo voan’ny coronavirus.