Ankatoky ny fotoam-pahavaratra toy izao misy antsika izao no mampiakatra ny marimpanan’ny hafanana eto am-povoantany. Maro no mety ho diso hevitra fa ny fakana aina amin’ny toerana maloka toy ny fijanonana ao an-trano no mety indrindra.
Maneho fanahiana lalina, izay fantatra fa iraisany amin’ny olompirenena malagasy maro, ny Collectif TANY, manoloana ny vaovao miparitaka tato ato mahakasika ny nanomezan’ny tompon’andraikitra mahefa ao amin’ny fitondram-panjakàna Fanavaozana alàlana hitrandraka ny « terres rares » ao Ampasindava (permis d’exploitation) tamin’ny 8 oktobra 2026.
“Mouvement pour le Renouveau de Madagascar” Antoko niorina ny volana Martsa teo. I Jhona Iberanandrasana no filoha mitarika azy. Antony nanosika ny lehilahy nanangana ny Antoko “MRL” ny fahitana ny toe-draharaha ara-politika eto Madagasikara izay notarafin’ny filohan’ny MRM tamin’ireo fifidianana notanterahana teto amin’ny Nosy izay nandraisan’anjaran’ireo mpikambana mandrafitra ny Antoko MRM ankehitriny.
Inona marina no konokononina ao Nosy Mitsio ? Ity nosy kely ao amin’ny tapany avaratry ny Lakandranon’i Mozambika ity, izay eo amina toerana stratejika ho an’ny fivezivezena an-dranomasina eran-tany, ary misy mponina an’arivony maromaro mivelona amin’ny jono, ny fambolena, ary ny fizahantany ara-tontolo iainana manaja ny natiora sy ny zavamananaina isan-karazany tsara tahiry amin’ny fomba miavaka, dia hita fa lasa lasibatry ny fitsiriritana mafy avy amin’ny karazan’olona samihafa efa an-taona maro izao.
“Manome fahazavana, mizara tsiro, manova fiainana”. Io no teny filamatra tanterahan’ny “Association Main de lumière et de saveur” miorina any Analavory faritra Itasy. Ny faniriana lalina niboiboika ho amin’ny fanampiana ireo marefo toy ireo zaza kamboty, ireo reny miady irery amin’ny famelomana ny menaky ny ainy mba hananan’izy ireny hoavy mamiratra amin’ny alalan’ny fanolorana fiofanana azy ireny sy fanampiana amin’ny endriny marolafy no nanosika an-dRamatoa Ramanandraisoa Fenohery nanangana ny “Association Main de lumière et de saveur”.
Nanao antso avo ho amin’ny fangatahana fifampiresahana maika amin’ny filohan’ny fanavaozana ny kolonely Randrianirina Michaël tamin’ny alalan’ny mpandrindra ny VMFR Randrianirina Jean Ignare “Ramasy” ity Vovonana ity mba hahafahana misoroka mialoha ireo mety hitranga ateraky ny tsy fisian’ny fifampiresahana mazava sy ankitsimpo. Nomarihan’ny avy eo anivon’ny VMFR fa ilaina ny fanatanterahana ny “Dinika politika” mba hahamari-toerana ny fitondrana misy ankehitriny.
Fanovona Jean Gabin, Mpanakanto andrarezina nitondra avo ny mozika avy any atsimon’ny Nosy. Raha tsiahivina izy no namorona ny tarika “Vaovy”. Ity farany izay nanandratra sy nivoy ny “Beko”, gadona sy fomba fihira nentim-paharazana avy any atsimon’i Madagasikara. Ampahany amin’ireo tsanganasani Gabin Vaovy ny “Salakao”. Mpanakanto tsy nitsahatry ny nikaroka ny paika rehetra hampiroboroboana ny mozika malagasy ihany koa ny lehilahy tamin’ny fotoam-pahavelomany. Maro ireo firenena efa nanjifa ny mozika nojariany.
Mbola mitaky ny fampitsaharana tsy misy hatak’andro ny fitrandrahana volamena ataon’ny orinasa Mac Lai Sime Gianna (M.L.S.G) ao Ambalamanasa, kaominina Vohilava, distrikan’i Mananjary, ireo fikambanana CRAAD-OI, FARM ary OIDESCM-Mananjary. Ao anatin’ny fanambarana nataon’izy ireo ny 12 oktobra 2026, dia naneho ny ahiahiny momba ny mety ho fitohizan’ny asa fitrandrahana na dia efa nisy aza ny fanambarana fampitsaharana azy, sy ny mety ho fiantraikany amin’ny zon’ny mponina ary ny tontolo iainana.
Rasoloarison Gilbert Anatole Claude Martial, fantatry ny maro amin’ny solonarana hoe : “Papa”, “Ndriana Pap’s” izay efa lasa nodimandry dimy taona lasa izay. Izy no angady nananana sy vy nahitana ny Orchestre “PAP’S” Ity farany izay azo ambara fa matihanina amin’ny lafiny fanafanana lanonana sy ny fikarakarana rehetra manodidina izany…
Fikambanam-pianakaviana miorina eto Madagasikara ny “Beth Israël Madagasikara” izay manana ny foibeny etsy Ambohitrarahaba. Niara-dia hatry ny ela amin’ny Israël ny fikambanana ary manatanteraka ny voasoratra anatin’ny baiboly toy ny fanatanterahana ny fety iraisan’ny Israely maneran-tany tahaka ny Taom-baovao Hebreo, ny Yôm kippour.