Catégorie : Samihafa

Niray feo ny mponina ao Ampasindava sy ireo fikambanan’ny firaisamonim-pirenena ao amin’ny faritra DIANA mba haneho ny fandavany tanteraka ny fitrandrahana “terres rares” ao an-toerana. Manao izao fitarainana izao izy ireo taorian’ny voka-dratsy maro efa nateraky ny asa fikarohana nataon’ireo orinasa nifandimby nanomboka ny taona 2010. Manaitra ny sain’ny mpitondra fanjakana sy ny olom-pirenena rehetra izy ireo mba hanafoanana tanteraka io tetikasa io ho fiarovana ny tontolo iainana, ny fambolena, ary ny hoavin’ny taranaka fara mandimby.

Nividy trano tao Antsahakely ilay olona dia nofefeny daholo hatramin’ny tanim-panjakana izay hivarotana. Tsy misy fanamarihana hoe tompony izy fa bodogerona fotsiny. Tsy velona intsony ny mponina very tsena mamelona olona aman-jatony…

Ho fankalazana ny faha dimampolo taonan’ny STK Tia Andraisoro Kristy famonjena sy ny fanamarihana ny faha dimy ambiny telopolo taona namoronan-dRazafindrazaka Handrisoa hira fiderana. Ity farany izay “Chef de chœur” eo anivon’ny Antoko mpihira Anjomaran’ny fitiavana FJKM trano vato fitiavana Toamasina ary fanamarihana ny jobily volafotsy faha dimy ambiny roampolo taona nijoroan’ny RFF FJKM Amparibe famonjena.

Hentitra ny fanehoan-kevitra nentin’ny filohan’ny Antoko politika Fy-M Raderanirina Sendrison Daniela manoloana ny toe-draharaham-pirenena misy ankehitriny. “Ny fanatanterahana ny fifidianana filoham-pirenena lavitry ny hosoka no tokony hilofosana malaky vao miroso ho amin’ny fikitihana ny Lalam-panorenana isika raha tena ilaina ny fanaovana izany” hoy izy.

Anisan’ny sehatrasa miroborobo fatratra tato ho ato ny lafiny fikarakarana sy ny fanafanana lanonana. Anisan’ny tsiambaratelon’ny fahombiazana ho amin’izany ny fananana toe-tsaina tia mamorona eo amin’ny endrim-panentanana sy fanafanana ary hatramin’ny fampihaingoana ny sehatra.

126 no isan’ireo zazalahy nisitraka ny didimpoitra faobe maimaimpoana, notanterahan’ny Solombavambahoaka Ramboarivelo Andrianantenaina Jocelyn Willy “Depiote NAINA” ao amin’ny Boriborintany fahatelo sy ireo mpiara-miasa aminy. Anisan’ny nandray anjara mavitrika tamin’ny fanatanterahana izany ny “assistante parlementaire” Fanja Myriam Raharimanana, ny Sabotsy 25 jolay dila teo.

Teo amin’ny fahavalon’ny taonany no efa nanomboka nankafy ny famelomana ireo *Kalon’ny fahiny” (Hira teatraly) sy ireo “Kalon’ny omaly” (Hiran’ny taona fitompolo …) i Suza Ravel. Ity farany izay tinaizan’ireo nahitany masoandro tanatin’ny fihainoana sy fankafizana ary fikirakirana ireo “Kalon’ny fahiny” sy ireo “Kalon’ny omaly”.

Ny taona valopolo sivinjato sy arivo no efa nikirakira ny asa zaitra i Rakotoarimisa Jean Aimé Mamiheriniaina “Taozaitra Mami” tamin’ny fanampiana ny Reniny. Ity farany izay efa an-taonany maro ihany koa no nisehatra tamin’ny fanjairana sy ny fivarotana ireo asa tanany teny amin’ireo tsena lehibe toa an’Andravoahangy.

Nampiaka-peo ireo fikambanan’ny tantsaha manoloana ny fifanolanana ara-tany ao amin’ny lemak’i Bas Mangoky. Melohin’izy ireo mafy ny fisamborana misesisesy sy ny fanagadrana tsy ara-drariny mahazo ireo tantsaha miaro ny zony, indrindra fa ny fomba fiasa mampihorohoro sy ny fanitsakitsahana ny zon’olombelona fototra.

… sady hihira am-panahy no hihira ara-tsaina koa aho (Korintiana 14 : 15 b). Io no teny filamatra ho an’ny tarika”Andon’ny natiora” izay nijoro ny taona efatra ambinifolo sy roarivo tao Fort-Dauphin. “Andon’ny natiora” anarana nosafidianay, hoy, i Tovo mpandrindra ankapobeny ny tarika entina ilazana fa hatramin’ny zavaboahary kely sy bitika indrindra aza dia manana ny anjara asany ho amin’ny famonjena fanahin’Olombelona tsy ankanavaka.