Raikitra ! Etsy amin’ny Le Pavé Antaninarenina, ny Zoma 22 may ho avy izao, hanomboka amin’ny dimy ora hariva, no hiaka-tsehatra anatin’ny “Cabaret nostalgique” ny Groupe Prosh’ely sy ny Kaiamba tena izy ho fanomezana fahafaham-po ireo mpankafy efa ela fiandrasana.
Efa dimampolo taona no nijoroan’ny “Foibem-pirenena momba ny Fikarohana Ampiharina amin’ny Fampandrosoana eny Ambanivohitra” na ny “FOFIFA” etsy Andraisoro Ampandrianomby. Ivon-toerana eo ambany fiahian’ny Minisiteran’ny fampianarana ambony sy ny fikarohana ara-tsiansa sy ny Minisiteran’ny fambolena sy ny fiompiana ny Fofifa.
Teo amin’ny faha folo taonany fony teny ampiandrasan’omby no efa nahay nandrafitra zavamaneno toy ny Valiha sy ny kabosy vita tamin’ny tanimanga i Hery valiha. Ankehitriny efa mznitsaka ny faha Efapolo taona nanamboarana zavamaneno ny lehilahy.
“Nofy sy fampandriana adrisa ny hisian’ny fandrosoan’i Madagasikara raha mbola ny tsy fanarahan-dalana sy ny fanaovana kolikoly no toy ny rivotra iainana eto amintsika” hoy Raderanirina Sendrison Daniela. Ity farany izay filoha mpanorina ny Antoko Fy-M na ny “Fandrosoa Faritsy Iaby ho an’i Madagasikara”. Nomarihany hatrany fa tsy ny Vahoaka ihany no tokony hanara-dalana sy hiala amin’ny fanaovana kolikoly fa eo indrindra koa ireo Mpitondra.
Tsara ambina ary tsy azo ivezivezena ny eny amin’ny Antenimieram-pirenena Tsimbazaza, taorian’ny fanambaran’ny Talen’ny Serasera eo anivon’ny Fiadidiana ny Fanavaozana ny Repoblikan’i Madagasikara, Rahajason Harry Laurent, fa hisy hikasa handoro, ny Sabotsy ho avy izao.
Ny andiany 2026 amin’ny hetsika “African Music Icons” na ny AMI eto Madagasikara no karakarain’ny “Agence Événementielle Lamako Events”, amin’ity taona ity. Hetsika izay entina hanosehana ireo talenta vao misondrotra eo amin’ny sehatra iraisam-pirenenan’ny indostrian’ny mozika aty amin’ny kontinanta Afrikanina…
Velonjara Jet-lee, io no anarana fenon’ilay mpanakanto zanaky Toamasina mitondra ny solonarana hoe : “Onel jet” anatin’ny fikirakirana ny hira sy ny mozika. Ny fivoizana ny “Afro béat” no ifotoran’ny tovolahy.
Toy izao ny vokatra azo tamin’ilay fifaninanana ara-panatanjahan-tena momba ny bisikileta izay nokarakarain’ny “Ligue Cyclisme Analamanga” na ny LCYA, teny amin’ny Lalam-pirenena Voalohany (RN1), ny alahady 12 aprily 2016. Teo amin’ny “Piste Féminine” dia nibata ny amboara i WINNIE. Faharoa i NICOLE. Fahatelo i JULIE. Teo amin’ny “Cadet” dia nitana ny laharana Voalohany i PATRICK. Faharoa i NANTENAINA. Fahatelo i TONY…
Vory lanona teny amin’ny Trano Sary Ambohidahy, ny sabotsy 11 aprily 2026, ireo Raiamandreny andrarezin’ny literatiora sy ny kolontsaina malagasy sy ireo Akademisiana ary ny avy amin’ny HAVATSA-UPEM niampy ny avy ao amin’ny Minisiteran’ny Serasera sy ny Kolontsaina. Antony dia noho ny fanomezana voninahitra, ny fankalazana ny fahazato taona nahaterahan’i Clarisse Andriamampandry Ratsifandrihamanana.
Ny fijoroan’ny Tantsoroka Antoky ny Fanavaozana sy Fampandrosoana an’i Madagasikara na ny TAFF MADA, tamin’ny fomba ofisialy, no fampahafantarana notontosain’ity Vovonana ity, ny sabotsy 11 aprily 2026, teny amin’ny Kianja Barea Mahamasina. Ity Vovonana izay tarihin’ny filoha mpanorina azy dia ny Dr Rasolovoninjatovo Mady ity dia hivondronan’ireo Avara-pianarana manam-pahaizana sy Teknisianina Malagasy nahavita fianarana ambony kanefa tsy mahita asa.