Nisongana ny zava-bitan’ny fitondram-panjakana tarihin’ny filoha Andry Rajoelina, hoy ny zanaky ny faritanin’i Fianarantsoa, tao anatin’ny 2 taona mahery nitondrany ny firenena.
Vita ny faran’ny herinandro lasa teo, tao amin’ny sekoly Issup etsy Behoririka, ny fifamindram-pahefana teo amin’ny filoha teo aloha sy ny filoha vaovao hitantana ny fikambanana FIHEZAMA na Fitezaina ny Herin’ny Zatovo Malagasy, ka atoa Ramiandrisoa Lalaina no filoha vaovao hitantana ny fikambanana mandritry ny 4 taona manaraka.
Feno 10 toana amin’ity taona ity (2011 – 2021) no nivoahan’ny tondrozotra sy ny didim-panjakana mikasika ny fampihavanam-pirenena sy famoahana ny lalàna sy zo aman-kasin’ny fikambanan’ny gadra politika na Fedep. Mangataka amin’ny fitondram-panjakana mahefa noho izany izy ireo mba hamoaka ny “Décret d’Application” mikasika an’ireo gadra politika sy ireo niharam-boina.
Mikasika ny raharaham-pirenena dia nivoaka tamin’ny fahanginany ny fiarahamonim-pirenena Hafari Malagasy sy GA.KA.MA na Gasy Ka Mahery.
Nohon’ny fiaraha-miasa matotra teo anivon’ny governemanta Koreana sy ny governemanta Malagasy, dia nanolotra “ambulance” ho an’ny hopitaly CHD1 Arivonimamo ho an’ity hopitaly ity, ny governemanta Koreana, ka ny alatsinainy lasa teo no natolotra tamin’ny fomba ofisialy ity fiara ity.
Olona manodidina ny 40 tao amin’ny fokontany Miandanimamo, kaominina sy distrikan’Arivonimamo, faritra Itasy no nahazo fiofanana momba ny fanamboarana pave nanomboka ny alakamisy lasa teo. Haharitra 15 andro ny fampiofanana araka ny tatitra voaray.
Mandeha ny antsonjay atao amin’ny antoko manohana izao fitondrana izao ! Ny Antoko Bemiray no nanohana fitondrana, nanomboka ny taona 2010 nijoroana ary midera ny zavatra ataon’ny fitondram-panjakana mijoro ankehitriny tarihin’ny Filoha Andry Rajoelina ny antoko.
Ny alarobia 10 Martsa ho avy izao dia hikarakara kopia nahaterahana faobe ho an’ireo ankizy maherin’ny 100 ny solombavambahoaka voafidy tao amin’ny Boriborintany fahatelo, ramatoa Anyah.
Ny 12 Martsa ho avy izao ny fidirana ho an’ireo mpianatra taona voalohany sy faharoa ary fahatelo, ao amin’ny sekoly ambony Issup etsy Behoririka na “Institut Superieur Privée Professionnel”.
Namoaka fanambarana ny teo anivon’ny fiangonana katolika, ka nambaran’ity fiangonana ity, fa “tsy azo hanaovana hetsika politika” ny kianjan’i Soamandrakizay. Voalazan’ity fanambarana ity, fa efa natokana handraisana fivavahana ny toerana, ka tsy azo hampidirana hetsika hafa intsony, ankoatra ny fivavahana.