Fizarana “PPN” tamin’ireo tokantrano miisa 600 izay nahitana olona miisa 1.140, tany amin’ny Kaominina Tsiafajavona, any amin’ny Distrikan’Ambatolampy no nanamarihan’ny orinasa STAR, ny fankalazana ny fetim-pirenena, tamin’ity taona ity. Fanoloran-tanana izay tsy vao izao no nisy fa efa nisy ihany koa tamin’ny volana mey lasa teo.
Tanjon’ny fikambanana “Ny Ampinga Kabary” ny hanabe sy hanandratra ny soatoavina mahamalagasy. Anton’ilay teny filamatry ny fikambanana manao hoe: “Hampandroso hatrany ifotony ny Teny sy ny Soatoavina Malagasy”. Ny fikambanana “Ny Ampinga Kabary” araka izany dia misehatra manokana eo amin’ny fanomezan-danja ny kabary sy ny teny Malagasy.
Nifarana ny alahady 22 jona 2025 raha nanomboka ny zoma lasa teo ny “Star Tour Tana 2025”. Ity hetsika ity izay nahavory mpifety nanodidina ny 40.000 isa. Fahombiazana tanteraka araka izany ny hetsika izay nentin’ny “Star Tour Tana 2025” nampifaliana ny tsirairay sy ny fianakaviana ary ny mpinamana indrindra fa ny mpifankatia.
Ny andiany fahavalo tamin’ny “Festisova” izay nokarakarain’ny fikambanana Tambohobe sy ny fikambanana “FIRST” no notontosaina, teny Andraisoro, ny sabotsy lasa teo. Ity andiany ity izay niavaka tamin’ireo andiany fito teo aloha noho izy nivelatra kokoa tamin’ity taona ity…
Ny tolakandron’ny Alahady 29 Jona ho avy izao, hanomboka amin’ny roa ora sy sasany, etsy amin’ny trano fanaovam-petin’ny Sekoly Sainte famille Mahamasina (Amphithéâtre), no hamelona indray ireo sanganasan’i Nelson Rasamimanana, ilay andrarezin’ny kanto an-kira sy mozika teo amin’ny lafiny famoronana sy fitendrena ny piano, ny Tarika Kanto ny gasy sy i Rinah. Ity farany izay Zanak’i Nelson Rasamimanana…
Tsy nisy ny aina nafoy sady tsy nisy ny naratra fa fiara iray no potiky ny afo tanteraka niampy ny ampahany amin’ny orinasa Mad Import teo aloha izay eny amin’ny fokontany Anosizato Atsinanana II. Ny entana nipetraka tao amin’ity orinasa ity ihany koa dia rotiky ny afo avokoa.
Ny “Festival de trails Madagascar” izay karakarain’ny fikambanana Kolovatana no hotanterahana, eny Ambohijanaka, ny 21 jona 2025. Taranja roa samihafa no endriky ny fifaninanana ho hita amin’io fotoana io. Hohampiarahan’ny tompon’andraikitra mpikarakara mantsy ny fifaninanana amin’ny dia an-tongotra sy ny fifaninanana amin’ny bisikileta.
Ny faha-12 sy 13 jona teo no niaraka tao Nosy Sakatia ny solontenan’ny mponina avy amin’ny nosy kely maromaro sy ny fikambanana ao amin’ny firaisamonim-pirenena aty amin’ny faritra Diana niofana nanamafy ny fahalalàny momba ny Zon’Olombelona.
Tamin’ny 25 May 2025, ny Sekreteram-panjakana eo anivon’ny fiadidiana ny Repoblika misahana ny Fahaleovantena ara-tsakafo dia nanao sonia tao Tel-Aviv fifanarahana [memorandum d’entente (MoU)] tamin’ny vondrona israelianina LR Group momba ny hametrahana ivontoeram-pambolena (Agropole) 10.000 hekitara ho an’ny fambolena vary sy katsaka ary soja.
Nampahafantarina tamin’ny fomba ofisialy, ny alatsinainy 16 jona 2025, teny amin’ny QG Tanora Ankorondrano, ny fifaninanana nasionaly adisisika ho an’ny tanora antsoina hoe: “ZaMahasaky”. Ity fifaninanana ity izay manome feo ny tanora malagasy mba hahafahany maneho mivantana ny heviny sy ny ahiahiny ary ny vinany momba an’i Madagasikara mahakasika ny mpanapa-kevitra, ny amin’ny fampiroboroboana ny fandraisan’anjaran’ny olom-pirenena sy ara-politika…