Taonan’ny fikaonandoha ity 2026 ity raha ny raharaham-pirenena misy amin’izao fotoana izao. Efa miditra tsikelikely amin’ny fanomanana ilay Fikaonandoham-pirenena ny eo anivon’ny Fitondrana ankehitriny. Nisy ny fihaonan’ny Minisitra misahana ny Fanavaozana eo anivon’ny Fiadidiana ny Fanavaozana ny Repoblika, Hanitra Razafimanantsoa, tamin’ ny Collectif du mouvement Gen Z, ny faran’ny herinandro lasa teo, teny Mahamasina.
Tahaka ny fanaon’ny Fikambanana Ahmaddya Musulmane isan-taona rehefa Tonontaona tahaka izao dia mizara hafaliana amin’ny vahoaka mpiray monina izy ireo. Izany dia ho fanehoana fitiavana, araka ny teny filamatry ny fikambanana hoe ” Fitiavana ho an’ny rehetra. Tsy fankahalana ho an’iza na iza”.
“Firahalahian’ny filohan’ny fokontany Kaominina Ambohimangakely” na “3FA” Fikambanan’ireo Filohan’ny Fokontany miisa valo ambinifolo mandrafitra ny Kaominina Ambohimangakely, distrikan’Antananarivo avaradrano. Ny Taona 2001 no efa nijoro ny Fikambanana “3FA”.
2016-2026. Feno folo taona amin’ity taona ity ny fahitalavitra rahavavy “Amitié télévision”, ka entina hanamarihana izany fankalazana ny tsingerintaona izany dia hisy ny hetsika goavana fiaraha-mivavaka hanasan’izy ireo ny olon-drehetra etsy amin’ny Lapan’ny Kolontsaina sy ny Fanatanjahantena Mahamasina, ny alahady 25 janoary ho avy izao.
Oniversite tsy miankina amin’ny Fanjakana, ivontoeram-piofanana ary ireo “Grande école” manodidina ny telopolo isa no azo tsidihana etsy amin’ny Le Pavé Antaninarenina mandritra ny roa andro dia ny 22 sy 23 janoary amin’ilay Salon de l’étudiant karakarain’ny Mada Jeune.
Nampidirina am-ponja vonjimaika eny Avaradrano ny Solombavambahoakan’i Madagasikara ao Fianarantsoa voalohany, Sahondrarimalala Marie Michelle, halina tokony ho tamin’ny 9 ora mahery taorian’ny fiakarany teny anivon’ny Fitsarana Tampony Anosy.
Misokatra ho an’ny rehetra ny fakan-kevitra andiany faharoa amin’ny fahalalahana maneho hevitra an’habaka. Teboka lehibe maromaro no hojerena amin’izany dia ny famaritana ny anjara asan’ireo sokajin’olona misehatra amin’ny serasera an’habaka toy ny mpanao gazety matihanina, ireo mpampaneno lakolosy, ny infliansera sy ny maro hafa.
Fanja R., Kiady Ratovoson, Iandry Randriamandroso, Jessica Solomon, Johary Ravaloson, Joan Razafimaharo, Miangaly Elia, Noely Ratsimiebo sy Rado Ramilison ary Sham’Archi. Ireo indray no mpanatalenta miisa folo handravaka ny “Antson’ny Tontolo Miaina” andiany fahatelo, amin’ity taona 2026 ity, eny amin’ny “Hangar Zone Zital” Ankorondrano.
Boky miisa telo ahitana ny “Fanomezana hafa kely” mirakitra sombintantara, “Hainteny marevaka” ary ny boky “Anjaran-droa” Ireo no boky navoakan’i Fito miandalana na i Randrianiaina Mamison. Ity farany izay Filohan’ny fikambanana “Seha-pibeazana loharano” misehatra amin’ny fanabeazam-boho ny maha malagasy amin’ny alalan’ny fampianarana kabary.
Ny Alahady 18 Janoary hoavy izao, hanomboka amin’ny sivy ora sy sasany maraina, etsy Ankasina”Bet kneset” trano fivavahan’ny Fiangonana Hebreo notsrym. Efajato metatra atsinanan’ny Gare routière Maki Andohatapenaka, amin’ny ankavanan-dalana, trano simenitra lehibe miendrika sambo no hanatanteraka fifanakalozan-kevitra malalaka ny fikambanana”Malagasy Nosy miavaka” izay misy ny Fiangonana Hebreo notsrym.