Ny 24 janoary no Andro Iraisam-pirenena ho an’ny fanabeazana. « L’IA et l’éducation : préserver l’autonomie dans un monde automatisé » no lohahevitra nankalazana izany tamin’ity taona ity. Tsy diso anjara tamin’ny fanamarihana ny teto Madagasikara. Manaporofo izany ny fiaraha-miasan’ny Ministeran’ny Fanabeazam-pirenena sy ny « Unicef »…
“Ny fandraisana an-tanana ireo reny mitondra vohoka sy ny zaza”. “Ny fandrindram-piterahana”. “Ny herisetra mifototra amin’ny mahalahy sy ny mahavavy”. Ireo no sokajy miisa telo natolotry ny Tahirin’ny Firenena Mikambana momba ny mponina na ny “UNFPA” ny mpanao gazety mba handraisan’ izy ireo anjara amin’ny fifaninanana ho amin’ny asa soratra sy vokatra avoakan’ny mpanao gazety.
11 andro katroka anio 4 febroary 2025 no nandraisan’ny ben’ny tanànan’ny kaominina Itaosy, Rasolofo Haja, ny fiadidiana ny tanàna. Fiovana goavana no nentin’ity mpiandraikitra ny tanàna ity nandritra izay fotoana izay. Manaporofo izany ny nanombohany ny lamina fanatsarana ny fomba fiasa ao amin’ity kaominina ity…
Ahitana olana avokoa ankehitriny ny toe-draharaham-pirenena maneran-tany. Na ireo firenen-dehibe any amin’ny kaontinanta Amerikanina na ireo firenena any amin’ny kaontinanta Aziatika na ireo firenena aty amin’ny kaontinanta Afrikanina dia samy ahitana io olan’ny toe-draharaham-pirenena io avokoa…
Manoloana ny toe-draharaham-pirenena misy ankehitriny izay tena manahirana tokoa eo amin’ny lafiny rehetra dia sarotra ny hamaha ny olana. Ho krizy vaovao tsy hisy toa azy no hitranga eto amintsika raha mitohy izao, hoy ny filohan’ny antoko politika Madagasikara endrika vanona na ny Maeva, Raharimanana Mamy, raha naneho ny heviny…
Mahantra sy mijaly ambony harena marolafy (Volamena, vatosoa, fasimainty, solika, sns) Ramalagasy noho ny gaboraraka, tsy fahaiza-mitantana ary ny fitiavan-tena diso tafahoatra eo amin’ireo mpitondra izay mitarika ho any amin’ny fikatsahana ny tombontsoa manokana ho azy ireo fa tsy ny hoan’ireo Vahoaka mijaly…
Marina fa ilaina ny orana amin’ny fambolena. Nefa amin’ny faritra iva toy ny Antsahakely-Besarety dia fijaliana ny orana. Tsy misy fahafinaretana intsony fa tena loza mihatra ary tena mahafaty olona. Iny orana farany iny dia tena niakatra ambon’ny rano, nitondra fako maloto isan-karazany hatrany amin’ny tokantrano. Ny aretina tsy lazaina intsony. Potika daholo ny entana ao an-trano, ary lasa traboina…
Tamin’ny voalohany dia tokony handalo tany avaratr’Ambohimanga Rova, amin’ny tanim-panjakana, ny zotran’ny arabe migodana izay kasaina hamboarina. Nisy fakan-kevitra teny Ambatolampy Tsimahafotsy ary nanaiky ny handalovan’ny zotran-dalana ny ankamaroan’ny olona teny. Ny volana novambra 2024 anefa dia nanova io zotra io ho any atsimon’ny Rova ny orinasa mpanatanteraka ny tetikasa sy ny Ministeran’ny Asa Vaventy. Tsy nisy fifampidinihana tamin’ny mponina, ny tompon-tany, na ireo vondrom-piarahamonina voakasika anefa mialohan’izany fanapahan-kevitra izany. Io fiovana io izay mitarika olana ara-tany sy ara-tsosialy lehibe ho an’ny mponina eny amin’iny faritra iny ankehitriny…
Ny andiany faharoa amin’ilay hetsika ara-pialam-boly « Salon du loisir » izay karakarain’ny « Magic Land » no hotanterahana eny Ivato, ny 8 sy ny 9 febroary 2025. Ity andiany faharoa ity izay hiavaka noho ny tamin’ny andiany voalohany izay notontosaina ny 2 sy ny 3 novambra 2024 teny Ivato noho izy nohatsaraina kokoa no sady ahitana karazan-dalao maro an’isa…
Ny alakamisy 6 ka hatramin’ny sabotsy 8 martsa ho avy izao dia hanatanteraka ny « Salon de la femme » eny amin’ny « Oriental International » Ankazomanga, ny « Malagasy Créative ». Ity hetsika ity izay nampitondraina ny anarana hoe Ampela…