Mila vavaka ny FJKM Vohidiala mba hiverenan'ny Fiangonana amin'ny laoniny.
Ampahan-drindrina sy ny tilikambo sisa no nijoro, hoy ny fanazavan’ny Mpitandrina, Nafotsy Amédée. Tsy maintsy harodana tanteraka anefa izany, satria nitriatra taorian’ny firodanan’ny tafo ka mety hiteraka loza.
Nasiam-panavaozana
Noho ny ezaky ny mpianakavin’ny finoana dia nasiam-panavaozana ny trano Fiangonana, taona vitsy lasa izay. Nakarina ho avoavo kokoa ny rindrina ary nasiana latsa-tsimenitra manemitra azy. Tombanana ho tsy nahazaka izany vesatry ny latsa-tsimenitra izany ny rindrina rehefa nolemen’ny hamandoana nandritra ny rotsak’orana nisesy tato ho ato, ka nitarika ny fihotsahana sy firodanan’ny rindrina.
Na izany aza tsy nisy ny aina nafoy, saingy potika kosa ny ankamaroan’ny fitaovana tao anatiny. Koa angataham-bavaka ny fanarenana mba hitsanganan’ny Fiangonana amin’ny endriny vaovao indray, hoy ny kristiana zanaky ny Fiangonana sy ny zanaka ampielezana.
