Catégorie : Samihafa

Fanomezan-drà sy fizaham-pahasalamana ary fanalana nify faobe maimaim-poana. Fitsidihana sy fanazavana ary fampirantiana ny toby misy ny fiara sy ny fitaovan’ny Sampana Mpamonjy Voina. Fampisehoana ny famonoana afo sy ny vonjy aina. Fampahafantarana ireo fepetra vonjy taitra ho an’ny mpianatra. Fampianarana ho an’ny ankizy sy lehibe. Fanentanana sy fampahafantarana ny mpianatra sy ny tanora ny mahakasika ny Sampana Mpamonjy Voina…

Tontosa, teny Antaninarenina, ny alatsinainy 5 may 2025, ny fampahafantarina tamin’ny fomba ofisialy, ny tetikasa filamatra mahakasika ny fandaharan’asa manohana ireo zo momba ny fahasalamana ara-pananahana na ny « PADSSR » izay vatsian’ny AFD vola…

Tanora mahatratra 35 isa avy amin’ny firenena miisa 25 avy any Afrika sy Eoropa aryAzia no tonga eto Madagasikara nanatrika ny fiofanana iraisam-pirenena ho an’ny mpilatsaka an-tsitra-po amin’ny vakoka iraisam-pirenena sy ny ady amin’ny fiatrehana ny fiovaovan’ny toetr’andro.

Natao tao Antananarivo tamin’ny 24 aprily 2025 ny fihaonana an-tampony faha-dimin’ny Vaomieran’ny
Ranomasimbe Indiana (COI), rafitra iraisan’ny governemanta avy amin’ny firenena 5 mpikambana ao aminy, dia Seychelles, La Reunion, Maorisy, Madagasikara ary ny Firaisan’i Kômôro. Efa taona maro izao no nanomezana anarana ny fitambaran’izy ireo hoe “Indianoseania”.

“Hampandroso hatrany ifotony ny Teny sy ny Soatoavina Malagasy” io no teny filamatry ny fikambanana “Ny Ampinga” izay mampianatra ny fikabariana sy ny kabary malagasy amin’ireo vonona ny handranto fahaizana amam-pahalalana amin’izany indrindra fa ireo te handala ny soatoavina mahamalagasy. Ity fikambanana “Ny Ampinga” ity izay hanatanteraka fifaninanana “takalo an-kabary” izay hifanaovany amin’ny mpianatry ny “Salohifito”, ny alahady 11 may 2025, amin’ny 1ora tolakandro, eny amin’ny CEG Ampefiloha…

Ny zoma lasa teo no tontosa soa aman-tsara teny amin’ny kianja manara-penitry ny kaominina Mahitsy, ny lanonana fanolorana tamin’ny fomba ofisialy sy ampahibemaso teo anatrehan’ny mponina iadidiany, ny ben’ny tanànan’ny kaominina Ambanivohitra Mahitsy, Rakotomanga Razaka Dilo. Lanonana izay nanehoan’ity ben’ny tanàna ity sy ireo mpiara-miasa aminy fa tsy maintsy hiavaka amin’ny fahatsarana eo amin’ny fitantanana ny kaominina Ambanivohitra Mahitsy. Mba ho tena maodely tokoa eo anatrehan’ireo kaominina hafa ao amin’ny distrikan’Ambohidratrimo.

Fandaharana vaovao ho harahan’ny mpankafy sy ny mpijery ny Fahitalavi-panjakana TVM izay maneho ny sombim-piainan’ireo mpanakanto malaza amin’izao fotoana izao toy an’i Mopcaan, Parish sy Maman’tsololo ary ireo mpanakanto hafa, ny « Star Story ». Isaky ny farany herinandro izany hoe isaky ny zoma sy ny sabotsy ary ny alahady amin’ny fito ora latsaka fahefany hariva no hanarahana izany fandaharana izany manomboka ny 9 mey 2025…

“Trio Magique” no fampisehoana atolotr’i Niu Raza sy Reko Band ary Nate Tex, eny amin’ny CCI Ivato, ny alahady 4 may 2025. Ity fampisehoana hiarahan’izy telo mianadahy ity izay hiangalian’i Niu Raza sy Reko Band ary Nate Tex, ny seho atolotr’izy ireo, ny mpankafy sy ny mpijery…

Ny fampahafantarana tamin’ny fomba ofisialy, ny kodiaran-droa elektrika “Yadea Madagascar”, izay vokarin’ny orinasa eny Ankazomanga atsimo, no ranty notontosaina teny Ambohijatovo, ny alatsinainy 28 aprily 2025. Ity kodiaran-droa elektrika ity no novokarina mba ho fampihenana ny fampiasana solika sy ny solika mavesatra izay mandoto ny tontolo iainana…

Asa sosialy maro sosona no nanamarihan’ny Sekoly Ambony “Ecole Superieure de Développement Economique et Social” na ny (ESDES) ny “Andro maneran-tany ho an’ny asa sosialy” izay hankalazaina isaky ny 18 martsa. Teo aloha ny famelabelaran-kevitra narahina adihevitra momba ny asa sosialy eto Madagasikara izay niarahan’ity Sekoly Ambony ity tamin’ny Profesora Rakoto David Olivaniaina, ny Dr Rakotondrainibe Andry, Mr Tiavina Ranaivo izay avy ao amin’ny “FID” sy ny avy ao amin’ny “Unesco” ary ny avy ao amin’ny Kaominina Antananarivo Renivohitra.