Natao indray ny fandaminana ny tanànan’Antananarivo Renivohitra, ny Alakamisy maraina teo, ka nisy ny fanalana ireo mpivarotra amoron-dàlana, izay nisongadina tamin’izany ny teny Behoririka sy Petite vitesse.
Narahina mpitandro filaminana moa izao hetsika natao izao ka nisy ihany koa ny fampianarana na fampizaran’izy ireo ny mpandeha an-tongotra mba hizotra eny amin’ny « trottoir », mba hisian’ny fifamoivoizana malalaka ary indrindra ho to ny teny filamatra hoe ny arabe ho an’ny fiara, ny sisin-dàlana ho an’ny mpandeha an-tongotra ary ny tsena ho an’ny mpivarotra.
Zatra ny gaboraraka
Tsy ny eo am-povoan-tanàna ihany no misy izao fandaminana izao fa iharan’izany avokoa ny boriboritany rehetra eto an-drenivohitra, hoy ny tompon’andraikitry ny kaominina. Misy rahateo ny fanamboaran-dàlana manerana ny faritra maro ka ilaina ny fandaminana.
Mampalahelo anefa fa raha misy ny fandaminana androany dia miverina amin’ny gaboraraka indray rahampitso. Koa avy amin’ny toe-tsaina mihitsy no tokony hisy fandaminana mba hisian’ny fifamoivoizana mirindra ho an’ny rehetra, eto an-drenivohitra eto. Ilaina, noho izany, ny fitaizana mba tsy ho sehatra politika isarihana mpifidy ihany ity renivohitra ity.
Pour mieux vous servir, l’AMP travaillera dans le respect de tout un chacun, dans la réalité des actualités et de ce qui nous entoure. L’objectivité sera notre mot d’ordre.
