Nahabe resaka tato ho ato ny sazy miandry ny mpamily fiarakodia tsy manaraka ny lalànan’ny fifamoivoizana , indrindra ny eto Antananarivo renivohitra.
Anisan’ny voatsikera indrindra amin’izany ny mikasika ny « fourrière », izay diso tafakatra ambony loatra ny lamandy aloa amin’izany.
Ny « fourrière »
Ny fandikana ny lalàm-pifamoivoizana faha-313 no mahatonga ny fampidirana « fourrière » ny fiara :
- Ny fandehanana mafy loatra
- Ny mitondra fiara raha mamo
- Ny miantsona eo amin’ny tetezana
- Ny tsi-fahatomombanana ara-teknika
- Ny tsi-fahatomombanan’ny « mutation »
- Ny manao fitaterana an-tsokosoko
- Ny tsi-fahatomombanan’ny fahazoana miasa (licence)
- Ny fiantsonana eny an-tendrom-piakarana
- Ny fijanonana eo amin’ny fiolanana
- Ny taratasin’ny fiara (modèle N°1) lany andro
- Ny tsi-fananana taratasy mitondra taxi
- Ny tsi-fananana fahazoan-dàlana mitondra fiara mihoatra ny 3 500 T
- Ny tsi-fananana fahazoan-dàlana mifamoivoy amin’ny tanàn-dehibe
- Ny fangalarana zotra
Raharaham-pitsarana
Mampiditra eny amin’ny Fitsarana kosa, aorian’ny fanadihadiana ataon’ny Brigade des Accidents de la Circulation (na BAC) ary hakana ny fahazoan-dàlana mamily (na permis) :
- Ny mamo am-pamiliana na tsy misy loza aza
- Ny mandositra fisavana
- Ny mamo mitondra fiara nanao loza
- Ny mitondra fiara tsy manana « permis »
- Ny tsy manaja ny sakana amin’ny orana (barrage de pluie)
Ireo sazy mahazatra sy ny lamandy
- Ny tsi-fanajana ny toro-mariky ny Polisy (1 000 ar)
- Ny tsi-fanajana ny mari-panoroana (2 500 ar)
- Ny tsi-fanajana ny takelaka tsy tokony hiviliana miankavia na miankavanana ( 2 500 ar)
- Ny takelaky ny nomerao tsy ara-dalàna (1 000 ar)
- Ny kodiarana sola (2 500 ar)
- Ny jiro « phare » fotsy (1 000 ar)
- Ny fanasana fiara eny amin’ny làlam-bahoaka (2 500 ar)
- Ny mandeha amin’ny « sens interdit » (2 500 ar)
- Ny fiara manetroka (1 000 ar)
- Ny fivoaham-peo manelingelina (1 000 ar)
- Ny tsi-fahatomombanan’ny « essuie- glace » eo amin’ny « pare-brise » (1 000 ar)
- Ny tsy fanoratana ny taxibe (2 500 ar)
- Ny fisian’ny mpandeha mihoatra mitsangana ( 2 500 ar)
- Ny entana tsy voafatotra tsara (1 000 ar)
- Ny « permis » tsy hay vakiana (1 000 ar)
- Ny tsy fampisehoana ny « permis » (PV)
- Ny familiana fiara tsy mifanaraka amin’ny sokajin’ny « permis » (PV)
- Ny « certificat médical » tsy ara-dalàna (PV)
- Ny tsy fisian’ny jiro amin’ny fiara (2 500 ar)
- Ny varavarana tsy mihidy eny am-pandehanana (1 000 ar)
- Ny manohitra ny fampijanonana (PV)
- -Ny fiantsonana manoloana ny daba fanariam-pako (1 000 ar)
- Ny fandikana ny takela-by (2 500 ar)
- Ny mpandeha tsy voaaro amin’ny loza (1 000 ar)
- Ny fihoarana eny amin’ny fiviliana sy an-tendrom-piakarana (2 500 ar)
- Ny fandehanana mafy loatra amin’ny faritra efa voafetra (2 500 ar)
- Ny mandika ny fampitandremana (500 ar)
- Ny fijanonana manoloana ny garazy sy ny fandehanan’ny mpandeha an-tongotra (1 000 ar)
- Ny fiantsonana eny amin’ny làlana voafaritra (1 000 ar)
- Ny fiantsonana eny amin’ny « trottoir » (1 000 ar)
- Ny tsy fisian’ny marika telozoro fampilazana amin’ny alina (2 500 ar)
- Ny fitaratry ny « rétroviseur » tsy tomombana (1 000 ar)
- Ny « feux de position » tsy tomombana (1 000 ar)
- Ny kodiarana fanolo tsy tomombana (1 000 ar)
